一、費用：
第一日重慶費用：15*2+15+99+5+2+2*2+10+9+7+5*4+10+2+30+30+50＝323元
第二日重慶、入九寨費用：10+2*2+8*2+10+55+28+200+80+20+10+50+15＝498元
第三日九寨溝費用：80（住宿）+5+340+6+8*2＝447元
第四日九寨溝費用：80+6+20+6+30＝142元
第五日九寨溝到機場、滯留機場費用：25+200＝225元
第六日成都費用：40元+40元(零食)＝80元 (不完全統計)
六日兩人行程費用：1715/2＝857.5元/人
機票：
廣州——重慶410
重慶——九寨310
九寨——成都790
成都——廣州590
小計：2100元/人(已含機場建設稅、燃油附加費用)
由於以上費用為不完全統計，所以我地覺得今次六日旅程所需費用約：3100～3300元/人。
二、路線、行程
重慶行程：解放碑→長江索道→湖廣會館→重慶輕軌→洪崖洞→南濱路
重慶+九寨溝外行程：長江索道→重慶機場→飛機→白水河→溝口→邊邊溝→喜來登酒店
九寨溝溝內行程第一日：箭竹海－箭竹海瀑布－熊貓海－五花海－珍珠灘－珍珠灘瀑布－長海－五彩池
九寨溝溝內行程第二日：諾日朗瀑布－鏡海－犀牛海－樹正瀑布－樹正寨－樹正群海－盆景灘－蘆葦海－色嫫女神像
九寨溝外：達吉寺--九寨天堂洲際大酒店--機場
成都行程：九寨黃龍機場--琴台路--寬窄巷子--武候祠、錦裡--蹄花--廣州
以上路線、行程系參考下面網址：
1、攜程網：http://www.ctrip.com/ 強烈推薦！裡面可以查到各個地方著名景點。其中“有問必答”專欄非常好，可以系網上提出問題，有專人解答。亦有好多游記可以參考。
2、百度網，百度知道
3、九寨溝旅游景區官方網：http://www.jiuzhai.com/ 裡面有九寨溝內的天氣預報、景區內各個景點介紹同圖片。
4、磨房網：http://www.doyouhike.net/ 可以提供游記，相片等。
小結：多睇游記，多上攜程問人，去之前可以的話大概睇下地圖，打印齊之前既資料再出發(今次我無做到哩步，好在翀翀之前抄好“貓紙”，如果吾系就比較狼狽。最誇張就系我地無將各班飛機既時間打印出黎，就系靠記憶同手機收到既短信！強啊！下次要吸取教訓)
三、訂機票
今次訂機票系翀翀負責。
主要系通過攜程網、藝龍網http://www.elong.com/
中國南方航空公司官方網：http://www.csair.com/cn/index.asp 不過大家要注意付款方式。有D系用支付寶，有D系要用網上銀行。
仲有一個須注意既問題：訂來回機票最好系同一航空公司，甘樣方便改簽、轉簽等等手續。
四：住宿
重慶：本來住“重慶背包客棧”後來改佐“7天連鎖酒店”。好在改佐，因為從路段黎講“7天連鎖酒店”好好多！所以吾好輕易相信網上既介紹，好多時網上介紹得好好，但去到環境可能好一般，或者未如理想。而且“7天連鎖酒店”都吾錯，會員首次入住多數城市都系99蚊經濟房(一張大床)。所以如果大家真系霖吾到住邊的話，可以考慮下住“7天連鎖酒店”，但要注意各間分店地址。
九寨溝：因為我地去既時候系淡季『淡季的定義:
五：食
重慶：好多好多食肆，多數都系火鍋，小食亦吾少，價格同廣州差吾多。但因為我地都吾食得辣，所以無乜嘗試當地特色美食，睇下幾時練到食辣野，再去大食一餐啦！
九寨溝：都系同樣問題，就系淡季。方圓幾裡既食店95％都系關門，只有幾間開，而且都系四川口味，所以我地選擇食面，幾乎餐餐食面，真搞笑！不過價錢就真系吾平，每樣野吾比廣州靓，但價錢同廣州差吾多，可能系旅游區既緣故吧！
成都：當然多野食啦！不過都系口味上吾系好巖，而且時間倉促，所以試得吾多。不過蹄花留比我既印象好深刻，真系要多謝翀翀帶我食D甘有成都特色既野！下次再去成都都要去食多次！至於價錢感覺好似比廣州稍微平D！
六：當地交通
重慶：最大感觸就系公交車。其一，車費吾明確，系車站同車外面根本睇吾到一趟要幾錢；其二，車站的車牌同停既車吾匹配，車牌有既車吾停，無既反而停。其三，車容比廣州差，可能系落雨，基本每台車外面都好污糟。所以我地一趟公交都無坐過！基本都系行路或者打的，而且系行路居多(翀翀話吾寫翻游記都吾醒起原來我地行佐甘多路，呵呵！)。第二大感觸就系打的比較難，容易遭到拒載。去之前做功課既時候就知道重慶的士服務態度吾多好，雖然我地遇到既司機還算吾錯，但希望可以更好！打的起表5蚊，表吾算跳得好快，而且重慶D路都系上山落山，建議大家去的話都系打的，吾系就行到腳斷。
九寨溝：由於九寨機場離九寨溝旅游區有幾十公裡，所以落機之後要坐車先可以去到，又因為同樣一個問題――淡季，無機場巴士穿梭於機場到九寨溝，所以只能自己包車。本來我聯系過當地的士霖住租車大概200蚊，後來又聯系佐旅捨要距接機又系200蚊，而且旅捨果度又比較積極，所以就坐佐旅捨過來接機既小車。不過覺得比較貴，如果有多一兩個人可以攤分就好好多！如果大家去的話，最好提早穩人拼車。九寨溝景區同旅捨之間都比較多的士，都系5蚊起表，但感覺跳得比較快！九寨溝景區內的環保車基本都要買，如果旺季的話可能比較難逃票，如果第二日吾買環保車票建議系九寨溝內住寨子，養精蓄銳准備遠征。
成都：由於時間緊迫，基本都系打的，亦系5蚊起表，跳得比較快！最感概就系打的難！可能系我地當時所處既落班高峰時間同地段掛，簡直就系“打的難，難於上青天！”
下面再講下，我對自由行同跟團哩兩種方式既睇法！
我之前都去過吾少地方，省內既著名景點基本都去過，北京、天津去過，昆明、大理、麗江去過，張家界、鳳凰去過，但系自由行就系第一次。系去之前我對如何辦理登機手續，去到機場要點做，我根本就無概念。不過好奇怪，我一D都吾覺得彷徨，可能系因為覺得“船到橋頭自然直”，吾識可以問人，但最大原因系因為今次既旅程有個好同伴――翀翀。出發之前其實有種依賴既感覺，或者講系信賴掛！因為翀翀去過好多地方，而且幾乎都系自己去，真系好佩服距！所以對距、對今次既行程好大信心！
其實自由行比跟團有好多好處，除佐眾所周知既自由之外，我覺得仲有一樣野系好難得既就系：自由行會對整個行程留低好深刻既印象。原因有三：一、因為去之前會大量收集資料，做足預習功課；二、因為人去到陌生既地方又無導游依賴，會系行程裡面集中精神，用心去留意周圍既事物；三、去每個地方都系自己感興趣既地方，印象會更加深刻。我之前去旅游都系跟團，跟團旅游之前，吾會放太多心思去做出發前既准備，而且因為有導游同司機，所以一路上好少去留意路線，多數就系知道到佐景點就落車，未到就訓下覺甘既心態。加上，跟團行程比較趕，你未黎得切對哩個地方深入少少了解就要離開，雖然去既地方好多，但真真正正要你講出哩個地方既特點、感受，就好難講得出。好多人講，我今次既游記寫得好詳細，其實系整個旅程裡面，我覺得自己真系好用心去享受，好用心去記住每一件事物，所以我可以寫得甘詳細。如果我今次系跟團，我霖即使我用心極都寫吾出哩個效果！
自由行系一個比較花精力既方式，好多人因為事前要做好多准備工作而覺得煩，但我覺得就系因為要做事前既准備，所以先顯得自由行既特質同樂趣所在。
好多人覺得自由行會比跟團貴好多，其實我覺得未必。因為通常一個旅程，花費最大既就系交通同住宿。交通方面，可以通過早訂機票，拼車，選擇火車或者其他交通工具而縮減費用；住宿方面更簡單，如果你可以屈就的話，住差D就平D，最平既可以租床位幾十蚊一晚都可以，或者住客棧之類。其實錢系你手，點用都系你決定。好似我地今次六日，去埋重慶同成都，如果跟團都應該吾止哩個價錢，所以嘛，自由行未必比跟團貴！
不過從一個現實同理性既角度黎講，自由行都存在一定既安全問題。點講都系去到一個陌生既地方，所以去之前要了解清楚當地既情況，路上要多注意，多留心。最好就系兩個人去，無論男同女，女同女都好，而且更好既就系其中一個有比較好既方向感。方向感好緊要，因為要睇地圖，要認路、要認建築物等等。不過哩D都吾系最重要既，只要醒目D，穩D善良既群眾問路，都一樣可以解決問題！
